Connect with us

男士通信 Men Logic

【夜遊人隨筆】一晚破產?夜總會收費全面公開!

Article

【夜遊人隨筆】一晚破產?夜總會收費全面公開!

【夜遊人隨筆】一晚破產?夜總會收費全面公開!

【男士溫提:注意,《夜遊人隨筆》專欄,乃專欄作家以個人經驗及見解,分享昔日香港夜場文化的點滴,並非現有色情行業的廣告宣傳,僅作為本土另類學術文化紀錄及交流,好讓大家瞭解早已失傳、但曾非常輝煌的香港夜總會文化,內容不代表本網站立場。簡單嚟講,AV seed、援交資料、ig女友情報等等,全部唔會有。】

以下內容,並不適合未成年的小朋友觀看。


對不少男士來說,夜生活多采多姿,是花花世界。(圖片為遊戲《人中之龍0》,僅作參考)

對不少男士來說,夜生活多采多姿,是花花世界。(圖片為遊戲《人中之龍0》,僅作參考)

90年代輝煌時期,日式夜總會大致可分為三個級別,其中以大富豪等為首的尖東頂級夜場,以旺角新輝煌,佐敦日本城為首的中價旺角場,及可玩『就地正法』既場,俗稱「黑廳」,但呢期統統都唔介紹住,因為開講都有話,將貨就價,未入場前,就梗係要知價先啦,特別係夜總會,生面口新客進場,又響唔到介紹人朵,連是但一個老竇媽咪名都噏唔出,幾乎肯定個場一定劏硬你,所以,點計錢係一定要知。

夜總會收費 有乜項目係必須俾錢?

夜場玩主菜就梗係小姐啦,所以呢部分一定係最貴,咁究竟成張單係點計架呢?首先講下房錢先,包間房玩幾本上係免費既,因為大部份客都唔會坐廳,理由唔駛我講啦,咁房既大細呢,多數係由人數同「江湖地位」決定,如果高消費大客,一間大房只坐幾個人真係唔奇。此外,如果要唱K,係仲要俾開機費既,不過熟客一般都會Free俾你,至於果盤,好老實,越靚越貴,係計錢既,多數大場先有,中型旺角場係果盤都慳返既,另外大場多數有廚房,可以叫野食,不過唔會太精美,始終醉翁之意不在酒,但如果屬於中場同細場,你叫野食其他只係幫你叫外賣,有D場就會外賣到左,再幫你換過隻碟,當係個場自己整既,就收係貴D,有D場索性直頭豪俾你,叫外賣仔直接送入你房自己找數。酒水方面,一般咩野場都好,啤酒其實只要係熟客,大班會簽俾你既,張單夠大甚至乎會直頭豪俾你 免晒你所有啤酒,而大場客多數僕大酒,如XO,VSOP,拔蘭地,威士忌,香檳等,就按餐牌收費,所以開大酒張單都一定唔會平得邊。至於中型旺角場,都會有威士忌飲,但質素好普通,都係芝華士,黑牌之流….

%e5%a4%9c%e7%b8%bd%e6%9c%83%e6%94%b6%e8%b2%bb02

相比之下,遊戲的night club易玩好多……

好啦,黎到大家最緊張既階段啦,就係女錢,女錢究竟點計架呢,呢樣真係琅睇個場點制定啦,但大部份場都係計票既,咁究竟乜野係票呢?呢個其實係港式傳統計小姐工錢既計法,係沿自六,七十年代既舞廳,俗稱「插飛仔」。講到呢part,首先你就要知道,夜場小姐薪金並非月薪或日薪制,而是時薪制,而客人光顧夜場,由小姐進房坐下那一刻開始計數,而小姐進房坐下陪客的時候稱為「坐枱」。而坐枱又有三種形式,分別是「散鐘」 「A鐘」及「街鐘」。散鐘指的是客人並未指定小姐,小姐是由大班帶上,純粹為試一part作暖枱看看客人岩唔岩,一般十五至廿分鐘左右時間,過後大班會請小姐暫時外出一會再問客人岩口味興否,此過程稱為『問枱』,此時計算方法是以「散鐘」計算,而如果客人覺得不合口味,大班就會「截枱」並帶上另一小姐給客人嘗試,如果客人覺得ok,此時小姐就會正式留下來直至你埋單先走,呢個時候鐘錢就會由「散鐘」轉為「A鐘」,價錢是完全不一樣的了,而「街鐘」就是帶小姐外出消遣,這代表客人都需要埋一個指定數目的金額,才能把小姐帶離場,至於離場幹後幹什麼,收費如何,就是客人和小姐之間的事了。

能不能得到小姐們的芳心,就看桐生一馬的表現了!(?)

能不能得到小姐們的芳心,就看桐生一馬的表現了!(?)

夜總會收費 真正全面公開!

講左咁耐,你一定會問,即係點計呀?而家就正式講啦,其實每個場既計法都唔同,以散鐘為例,一個鐘頭係折開成36票,每票5.8計,咁即係坐一個鐘頭既鐘錢就係5.8 x 36=208.8了。而每個場的計法都可能不盡相同,可以是每小時折54票,甚至72票,而每票可以高達7.8甚至10蚊,更可以採取A鐘或散鐘不同的拆票方法計算,完全是每個場自己決定,但計法都大同小異,至於街鐘,一般都是再埋一定A鐘票數,或不少於800元…留意以上只是參考數字,很多大場宣稱是沒有這一套計法,而是直接以每小時計算,但其實小姐計糧仍然係以票制計算既。

%e5%a4%9c%e7%b8%bd%e6%9c%83%e6%94%b6%e8%b2%bb03

由小姐入房開始就已經計鐘,若然數學不及格,一晚玩到破產絕對有可能。所以你話讀好書係幾重要呢……

好啦,知道點計錢後,有咩值得留意呢,首先,你要留意既係,夜總會張單係有服務費收取既,而且絕對係多於10%,筆者試過去某個大場係收30%既,其次,如果散鐘期間小姐唔岩你,而大班又叫你坐住先,呢個時候千其要問清楚係計乜鐘,否則無啦啦俾人起左A鐘就蝕晒,另外,最緊要記清楚幾點入房,女幾點到,因為好多場都喜歡係呢D位做手腳,最後,係夜場玩埋單找錢時唔駛扮豪,有幾多攞幾多,將佢俾侍應當貼士好過益間場係常識,咁下次再黎先會有好招呼。其實去得呢D場都係預左燒銀紙,但燒都要燒得有價值,做個精明消費者,咁先長玩長有!

作者/蕉神
IT人,作家,Game友,飛車手,網台主持,旅行家,酒鬼,宅男,週身刀無張利,遊走於物慾的矛盾之間,總能保持一顆赤子之心看天下。
Continue Reading
Click to comment

發表迴響

More in Article

Latest…

Tag

To Top
%d 位部落客按了讚: