Connect with us

男士通信

【一煲大師】芝士汁公仔麵速食必學

Article

【一煲大師】芝士汁公仔麵速食必學

【一煲大師】芝士汁公仔麵速食必學

男士識下廚已是大勢所趨,別再說什麼女人不懂入廚要扣分,認真想想,叫女人洗碗才是真正的大報復,不想洗碗就麻煩學識入廚!【男士食譜】由現職大廚出手,以易煮易做為最大原則,頭炮介紹你我都應該要識做的——芝士汁公仔麵是也!

一煲大師前言:平靚正行先!

首次見面,容許本人要長篇大論。

獨居麻甩佬/姊,最大煩惱,應該係食自己。 尤其訓死個日,又無意落街,而原因是街好吃的地方離你太遠,你唯有自己出手。 經過多年獨居日子,我明白,我們最大煩惱,是洗碗。是以,我們煮麵,就像打邊爐一樣,一煲過,連食都一煲過,最後只要洗一隻煲一雙筷子,爽!

不過日日食麵好濕熱,唔健康都事少,悶個下事大。 用一個煲或一個pan煮同食,就是獨居如你我最大的考量。今日我就大膽分享一下我多年的麻甩食譜。利申,本人是一位厨師,以下做法,是結合多年經驗再反覆思量後,絕對做到平靚正,得體到可以拎去招呼朋友。

獨居男士相信必備公仔麵,所以,就用芝士汁公仔麵開始。

材料篇

1)綠色樽的「卡夫芝士粉」
2)最好President個隻cheddar cheese 片
3)牛奶(盒裝通常 1 升,想好味最好用埋忌廉)
4)洋蔥 1 隻,切絲
5)蒜蓉 1 樽, 若有新鮮蒜肉更好
6)最細支的白酒(100ml)
7)香葉、黑椒碎,可提升完成品水準

方法篇

先做準備功夫:先煮麵及煮好你要的材料,煮好後倒起隔水。

芝士汁做法簡單,先倒奶,份量是你平常煮麵的1/3,奶一滾起,便要即時收至慢火,加兩塊cheddar cheese,黑椒碎,最後用芝士粉再用鹽調校味道,基本的芝士汁就這樣做好。最後將麵及其他材料放入汁中,完成……?

廚房佬教路:如何令芝士汁公仔麵做得更完美

一般來說,其實上面已經做完,不過,有時我們買材料好難一次用盡,總會留下部分材料,最後被遺棄在雪櫃裡直至發霉發臭。所以,跟住教大家一勞永逸之法:一次煮好最少十次八次食用的份量!並且提升至可以賣錢既水準,留意啦!

上面的芝士汁不過是最基本白汁,想更完美,可以試試以下方法:

首先,將蒜頭及洋蔥切碎,慢慢燒熱一般的麵煲,如果你家中有用剩既牛油,就用牛油起鑊,牛油一溶至起泡而未轉啡色(緊記一直中至慢火),即倒入蒜頭及洋蔥,炒至金黃色即倒入細樽白酒(100ml),全部倒入去吧!

此時轉大火,直至白酒揮發一半,再加入香葉五片,黑椒碎約1茶匙,倒入大半包奶,再轉中火煮十五分鐘,最後再倒大半支芝士粉落去,記得,要慢慢加入,並不斷攪拌(若有「蛋發」請用,會更完美),直至芝士已溶就可熄火。

這兜芝士汁,不但可以拌麵,如何應用都可以,但留意儲存方法。假如你家中有些細膠盒,可將芝士汁分開 6 至 8 盒,入盒後記得攤凍才好入雪櫃。若放入正常層格,一星期左右便要用完,否則變壞,如果放於冰箱,可雪藏一個月,不過要用的時候,記得先放在正常層格解凍!

首次寫稿,不太習慣,長篇大論,下次見!

關於男士食譜…
由Veggle Cafe總廚親自撰寫男士食譜,將其多年廚房經驗無私分享給一眾男士,絕非紙上談兵,以最簡單方式帶來美食,獨居男必學,住家男更要學,以便隨時隨地為重要的人準備好親自泡製的快餐。

Veggle Cafe
地址:觀塘成業街7號東廣場地下G13A及15號舖
電話:3565 5077
Click to comment

發表迴響

More in Article

Latest…

Tag

To Top
%d 位部落客按了讚: