Connect with us

男士通信 Men Logic

【攝影攻略】Capture Camera Clip詳細介紹

Article

【攝影攻略】Capture Camera Clip詳細介紹

【攝影攻略】Capture Camera Clip詳細介紹

香港攝影界係網絡上有一篇家傳戶曉既《攝影潮文》,入面有幾句係咁:「斜揹又話柒,掛頸又俾人話潮童,側斜又話人扮型」,咁講當然係過份左啦,始終每個影相佬既習慣都唔同。
但既然講開携帶相機既方法,除左用相機帶揹部相機係身之外,仲可以有咩方法係安全而又方便呢?2011年5月3日,美國既相機配件設計公司Peak Design係網上眾籌網站Kickstarter上發表左佢地劃時代既產品,令一眾影相佬可以從相機帶既束縛當中釋放出黎。
呢樣產品叫做Capture Camera Clip System。(按此觀看影片

Capture Camera Clip 方便易裝好處多

Capture既原理係先將一個裝置安裝係你既背囊帶、斜揹袋帶、皮帶等上面,然後安裝一個特製既快拆板係相機底部,就已經完成安裝。用法係點?就係當你唔用相機既時候,將你相機底部個個快拆板同你背囊帶、斜揹袋帶或皮帶上既裝置連接,聽到「咔」一聲,即係表示你部相機已經可以安全懸掛係你身上。到你想拎起部相機,你只需要接下安全制,就可以將部相機慢慢拉返出黎。

當你用相機帶掛頸,行路既時候,你部相機會持續頂你雞心;當你揹背囊既時候,斜揹又會卡住;當你側揹既時候,又會Fing黎Fing去撞到人又易甩。Capture一出,改變左好多人既習慣。當你用佢既時候,行山跑步唔會甩,又可以空左對手出黎,條頸唔再承受壓力,實在有好多既好處。最重要,型。

Capture係2013年推出第二代Capture,稱為Capture Pro,除左放置同取出相機更順暢安全之外,亦增加左好多配套工具。令Capture既用法更多變化,更全面。

首先,快拆板部分可以配合腳架雲台使用。令用家可以係唔拆走個板既時候直接放上腳架,大大增加使用既方便,特別係Peak Design改進左快拆板,可以加厚兩側以適應更多雲台。

另外,Peak Design另一產品Leash可以配合Capture使用。

Leash本身可作為相機揹帶,先將Peak Design專利設計既繩扣扣上相機,Leash可以隨時扣上,形成不同用法。而更重要既係,佢可以當成Capture既安全繩使用,令用家更感安全。

Capture Camera Clip變種Capture Lens

而Capture除左懸掛相機之外,仲有佢既變種Capture Lens。

使用者可以將鏡頭懸掛係身邊,令用者換鏡更快捷,更方便。暫時Peak Design推出了Canon EF版本,Nikon FX版本,Sony E-Mount版本(好想要FUJI X-Mount版本呀求下快啲出啦)。

Capture使用方便,安全,最重要係型,「斜揹又話柒,掛頸又俾人話潮童,側斜又話人扮型」都鋤你唔入。無論業餘定專業攝影師都非常適用。而自從Capture上市之後,坊間都出現愈來愈多同類型產品。有大部分是抄襲的,但亦有加入不同功能,另闢一條新路既,例如Spider Holster。

想了解更多Peak Design產品,可參閱官網。Peak Design還有推出相機帶,防水相機衣,斜揹袋,背囊等等。
作者/木人里
一生鐘情攝影的攝影L,歡迎各位前輩指教。
1 Comment

More in Article

Latest…

Tag

To Top
%d 位部落客按了讚: