Gourmet

朱古力品牌Feodora聯乘MONOPOLY
賭神朱古力賀年禮盒玩埋大富翁

朱古力品牌Feodora聯乘MONOPOLY 賭神朱古力賀年禮盒玩埋大富翁

德國朱古力品牌Feodora,大家好似無咩認識?你睇過《賭神》未?無錯,就是戲中周潤發所扮演的賭神,不論在賭桌上、扮傻中、甚至清醒時都要chok住食幾片的朱古力。這個百年品牌趁農曆新年,先發一輪驚喜,聯乘大富翁MONOPOLY推出限量新年禮盒,過年前要買。

 

由細睇到大的《賭神》,做緊咩都要食Feodora朱古力,高進我信!

Feodora 朱古力背後關德國公主事?

之不過,其實Feodora這個德國朱古力品牌,都有個小故事。就在1910年,德國Feodora公主,是德國最後一位皇帝的家姐,她非常喜歡當地一間小店自家製作的朱古力,就將象徵Feodora家族的家徽、公主的親筆簽名,連同代表皇室貴族的黃色,一併送給這間朱古力公司(以前D人咁隨便嫁...),就係咁,造就到大家由《賭神》所以認知的Feodora。

破格聯乘  Feodora 朱古力 X 大富翁MONOPOLY

別以為百年品牌定必食古不化,Feodora就趁農曆新年,聯乘另一個耳熟能詳的遊戲品牌大富翁MONOPOLY  ,推出限量版大富翁朱古力禮盒,咪講笑,製作認真的程度,絕對會令你在送禮時得到莫大的滿足。在1月16日至2月17日期間,品牌更會在尖沙咀海港城開設首間「Feodora x 大富翁」期間限定專賣店,現場販賣幾款大富翁朱古力禮盒,尖沙咀咁方便,行過就買件啦,拜年少不了。

Feodora x MONOPOLY 雜錦朱古力 經典探索系列 $598

最值得入手一盒,造型同擺盤都極具心思,同一款正常大富翁無異,盒中有多款不同濃度的朱古力,包裝印上不同圖案,有免費泊車、GO、機會,仲有一塊遊戲板和轉盤,不過玩法就變咗係兒童版。

Feodora x 大富翁天際璀璨雜錦朱古力珍藏版 $238
Feodora 紅色六角形閃亮雜錦朱古力禮盒 $290

Feodora x MONOPOLY 期間限定專賣店

日期:1月16日 - 2月17日

地址:海港城廣東道中庭Kiosk2

About Author

BG
前飲食記者,自由撰稿人,餐廳公關。 不資深飲家,現對酒精有種「渴」望。