Connect with us

男士通信

【廣告人誌】專訪Schick 專頁抽水Post創作主腦

Article

【廣告人誌】專訪Schick 專頁抽水Post創作主腦

【廣告人誌】專訪Schick 專頁抽水Post創作主腦

講到呢兩日風頭一時無兩嘅品牌,一定係 Schick 舒適 (HK) — 先出一個「被打的人根本唔係秋香!」post,加句「#皇天擊殺」,已經夠引人注目;再出一條神還原翻版AV片頭廣告嘅網片,更加引發網友瘋傳。好多行家都私訊問我:「知唔知邊間 agency 做?」為此,廣告狂人特別走訪 Schick 嘅 Social Media Agency — 年輪事務所嘅負責人KJ,由佢講解創作背後嘅想法。

Schick Facebook 抽水Post創作主腦:我想原創多過抽水!

提起 Schick ,之前比較有印象嘅po,係攞咗吳文遠一張「鬍鬚兀突」嘅相嚟玩,寸佢「不如你剃咗鬚先啦」。其實係咪特登抽呢啲敏感人物/議題嚟賺earn media ?「我哋主要係追求娛樂性,係咪同敏感議題有關,其實唔係我哋嘅concern。」KJ說,「識得留鬚,先要識剃,係我哋想帶出嘅訊息,所以我哋嗰陣時揀吳文遠,都係因為覺得佢留鬚唔太好睇啫。」

咁秋香個Post呢?好似同留唔留鬚冇乜關係喎。「我哋有啲Post會比較著重帶出Schick 係一個好玩得嘅品牌,其實同佢哋早前同《新世紀福音戰士》合作,惡搞碇司令形象嗰種幽默係同出一轍嘅。」

抽政治水抽得到位,引來過千分享及大量留言。

抽政治水抽得到位,引來過千分享及大量留言。


咁網友擊節讚賞嘅「神還原AV片頭廣告」,個構思係點嚟?「原先係想堅惡搞AV片嘅,不過傾傾下又諗到攞呢條逢睇AV必飛嘅廣告嚟玩。」唔覺得同AV有關唔係咁好咩?「我哋又唔覺喎,AV呢啲次文化其實係雅俗共賞,福山雅治都係AV迷啦。」咁都畀你兜到!

「我哋早有預謀,出完廣東話版後再推普通話原音版,果然後者反應更熱烈!而我哋為呢條片定落嘅 page like 增長目標,亦都已經達標。」KJ補充道。

雖然最近啲Post 反應好好,KJ卻不諱言:「講真,雖然香港網民好偏愛抽水,但我哋本身做開創作,始終想做原創多啲。希望下次你訪問我,係因為我嘅原創作品啦。」創作人有呢個諗法,絕對態度正確,我哋不妨拭目以待。

Continue Reading
You may also like...
Click to comment

發表迴響

More in Article

Latest...

Tag

To Top
%d 位部落客按了讚: