Article

【有機男】「你以為的」科技新聞工作者

【有機男】「你以為的」科技新聞工作者

港聞記者一定係正義撚,娛樂記者一定係八卦撚,對於記者呢一個行業,唔少人都會因為你負責某一個版面而對你有先入為主既印象。好似筆者咁樣既科技版記者,唔使審,一定係毒撚。

有機男 「你以為的」科技新聞工作者

在科技新聞行頭遊走剛好六個年頭,見識到人類「先入為主」的天性,首先,你忽然會成為親戚朋友眼中的萬能維修員,三不五時壞電腦會叫你整,手機爆芒會問你識唔識換。係呀,你估做 IT 先係咁咩?你同佢講你寫文維生咩?佢都以為你識整火箭架。 (但係最終,佢要支火箭你依然會整支俾佢,無他,因為怕出左去佢會俾人呃…整支唔知乜野又收貴佢,最終佢又係返黎x你)

唔好以為淨係唔熟科技先會對你嗰行有誤解呀,跟得好貼既朋友有時反而仲大鑊。有時講起科技新聞,總有一兩個人問你:「喂,好似 iPhone 8 就黎出啦喎,又話用曲面芒,係真唔係呀?」其實呢,段新聞我都係尋日寫,但係我都係「引述」外國 Source 架咋…我都係知早你少少架咋…係囉,你睇段「新聞」,咪我寫架囉。

 

作者/Aaron Choi
前手機網站編輯,現繼續在在科技、生活層面體驗更多、分享更多。
有機男 Aaron Choi:https://www.facebook.com/techyaaron

About Author

前手機網站編輯,現繼續在在科技、生活層面體驗更多、分享更多。 有機男 Aaron Choi:https://www.facebook.com/techyaaron