【Tailor-M 特約】訂造西裝小心中伏!名廠布料隨時換成大陸平料!?到底點樣做手腳?

男士通信

男士專屬

Article

【Tailor-M 特約】訂造西裝小心中伏!名廠布料隨時換成大陸平料!?到底點樣做手腳?

【Tailor-M 特約】訂造西裝小心中伏!名廠布料隨時換成大陸平料!?到底點樣做手腳?

男士需要西裝,但訂造西裝原來隨時「瀨嘢」,今期開始有專家教路,睇定冇壞! 

訂造西裝 呢件事門檻似乎好低,特別係香港地,裁縫行可謂百花齊放,但其實裡面有非常多學問同專業,貴嘅過萬又有,平嘅一千幾百都話有交易,如果你係新手想訂造西裝,可能真係會唔知從何入手,畢竟間間打開門做生意,都必定會話自己係最好嘅,唔通佢講乜你就信乜?開始之前,賣咗廣告先,Tailor-M 就係一個幫大家搵高質訂造西裝店嘅平台,入面有大量各大細裁縫行情報甚至評分,訂造西裝前,唔想中伏就記得睇睇!

訂造西裝邊間最好?原來會隨時中伏?
名廠布料隨時換成大陸平料!?到底點樣做手腳?

曾經聽聞有人去訂造西裝,俾咗幾千蚊指明要意大利布料,點知出到嚟件貨變成大陸廠出品,呢下就令客人一肚氣!最慘嘅係個客人知道嘅時候,可能已經係幾個月,甚至係一年後嘅事,就算知道俾人呃,惟有怪自己當時唔識野!

冇錯, 不法裁縫欺騙手法層出不窮,訂造西裝嘅環節入面,其中一個最易出術嘅地方,就係布料。歐洲一線名廠布料質素極高,而且極受白領歡迎,但係來貨價高昂,並非間間裁縫行都有入貨,而布料代理,有時會將西裝內袋嘅 label 預先發俾裁縫,但咁就成為咗漏洞啦!最容易發生嘅情況係,客人去鋪頭造衫,不法裁縫同客人量身後「狸貓換太子」,先以次等布料取代貴價料,然後再響內袋釘上貴價布料品牌嘅 label,再收你貴價西裝嘅價錢!如果你不諳布料,絕對好易成為羊牯!

布料代理有時會把西裝內袋的 label 預先發給不法裁縫,造成漏洞
布料代理有時會把西裝內袋的 label 預先發給不法裁縫,造成漏洞

首先要講返,其實而家國內布料好多都唔差,如果以一個比較相宜嘅訂造價格幫客人造西裝係絕對無問題嘅,亦都有好多人願意光顧,但話俾你知係名廠,件貨最後變大陸布,就算唔講價錢,都肯定係騙局啦!呢個時候又係廣告時間,其實 Tailor-M 過去有好多文章介紹各地唔同嘅西裝布料,各位男士識多少少,一來同老友吹水時多返少少文化氣息,二來都無咁容易做羊牯呀!

Scabal summit 250's fabric 一布料來貨價達 HKD 25,000 以上,如果被騙,客人將會損失慘重!(相片由英倫洋服提供)
Scabal summit 250's fabric 一布料來貨價達 HKD 25,000 以上,如果被騙,客人將會損失慘重!(相片由英倫洋服提供)
同樣係 Scabal summit 250's fabric,每份布料只會跟一個 label,而且不是每間裁縫行都能向代理入貨,故對客人更有保障!(相片由英倫洋服提供)
同樣係 Scabal summit 250's fabric,每份布料只會跟一個 label,而且不是每間裁縫行都能向代理入貨,故對客人更有保障!(相片由英倫洋服提供)

貴嘢未必啱你,平嘢都未必一定差
最緊要唔好著起龍袍都唔似太子

另一個新手常見問題:訂造西裝係咪愈貴愈好?老土咁講,買西裝,價錢上下限好闊,所以係「豐儉由人」!例如林作幾萬蚊一套意大利西裝,都唔一定啱你著,對客人嚟講,識得點幫自己 set budget 就最緊要!HKD1,000 同 HKD10,000 已經會有好大分別,唔想好似前面咁有機會比人呃,記得自己做下功課,之後就係就住你嘅 budget ,去啲信譽良好嘅裁縫店到,同專業裁縫商量,自然就可以做到最好選擇。問題又嚟啦!點知邊個裁縫好?點間裁縫店信得過呢?呢個時候……冇錯又係廣告時間, Tailor-M 呢個平台就係專為大家解決呢類問題而設,團體經常走訪各大品質信譽良好嘅裁縫,而佢地亦好樂意分享西裝行內資訊,造衫心得,甚至提供平台專享優惠,所以,想買西裝之前,上一上去爬下文,無論知識定係銀包,都一定有得著!

林作幾萬蚊一套西裝,啱佢都唔一定啱你!
林作幾萬蚊一套西裝,啱佢都唔一定啱你!

今次分享完行內點樣做手腳呃客,下次再同大家分享其他知識,再見!

About Author

《男士通信 Men Logic》網站及專頁為一體式網絡全方位資訊平台,「通信(tsūshin)」一字源自日文,有通知、傳訊一類的意思,並以「男孩剛剛成長為男士」這個命題為宗旨,提供給所有仍有著童心的男士均會感到興趣的遊樂資訊。

發表迴響